“Roja e Kohës” proteston sërish para Kuvendit të Kosovës

Shoqata “Roja e Kohës” do të protestojë sot sërish para Kuvendit të Kosovës, si shenjë revolte për moskonstituimin e tij.

Sipas njoftimit të kësaj shoqate në Facebook, protesta paqësore për të kundërshtuar bllokadën institucionale dhe për të kërkuar krijimin e menjëhershëm të institucioneve që përfaqësojnë vullnetin qytetar, do të nisë në orën 10:00.

Poashtu, bëhet e ditur se kjo protestë do të zgjasë rreth një orë.

“Ajo ka për qëllim të dërgojë një mesazh të qartë: Qytetarët nuk mund të mbesin peng i pazareve politike”, thuhet tutje në postim.