- Advertisement -
Ambasadori i Gjermanisë në Kosovë, Jörn Rohde, ka marrë pjesë në tentativën e 52-të të deputeteve për konstituim të Kuvendit.
Pas dështimit të kësaj seanca, ai ka shprehu shqetësimin e tij për ngërçin politik.
Diplomati gjerman ka bërë me dije se Aktgjykimi i Gjykatës Kushtetuese duhet të zbatohet nga partitë politike.
Sipas tij, ky aktgjykim ishte një karton i kuq për ata që nuk po e konstituojnë Kuvendin.
“Jemi këtu për ta theksuar shqetësimin tonë dhe urgjencën për të formuar institucionet. Qytetarët dolën për të votuar më 9 shkurt dhe tani janë bërë gati gjashtë muaj. Klasa politike po dështon përballë qytetarëve. Vendimi i Gjykatës Kushtetuese ishte një karton i kuq për ata qe nuk konstituojnë Kuvendin”, ka deklaruar ambasadori gjerman.
