- Advertisement -
Sulmuesi i krahut, braziliani Rodrygo është futbollisti i radhës që ka rinovuar kontratën me Real Madridin. Klubi spanjoll të enjten ka bërë të ditur se Rodrygo me rinovimin e kontratës do të jetë pjesë e Realit deri në verën e vitit 2028.
Edhe pse detajet financiare nuk janë bërë të ditura, mediumet spanjolle kanë raportuar se Rodrygos i është përfshirë një klauzolë lirimi në vlerë prej një miliard eurosh.
22-vjeçari është pjesë e Realit prej vitit 2018, ndërsa deri më tani, ai ka shënuar 39 gola në 179 paraqitje për klubin madrilen në të gjitha garat.
