- Advertisement -
Ministrja e Ekonomisë, Artane Rizvanolli, ka vizituar kanalin e Ibër-Lepencit në Zubin Potok, pas shpërthimi që ndodhi të premten në mbrëmje. Gjatë vizitës, ajo konfirmoi se rrjedhja e ujit në këtë kanal aktualisht ka një kapacitet prej 3,000 litra në sekondë, një sasi e mjaftueshme për të siguruar ftohjen e poçeve të Korporatës Energjetike të Kosovës (KEK).
Rizvanolli tha se, përkundër sulmit të ndodhur, zgjidhja e ofruar nga inxhinierët e Ibër-Lepencit dhe kontraktori i përfshirë është duke funksionuar, duke siguruar furnizim të vazhdueshëm me ujë për KEK-un. Ajo shtoi se po punohet për të rikthyer furnizimin me ujë në disa prej komunave të prekura.
