Rita Ora u shfaq me plot stil dhe vetëbesim në Londër të premten, duke ndryshuar tri herë veshjen gjatë një dite të ngarkuar promovimi për këngën e saj të fundit, “Heat”.
Këngëtarja 34-vjeçare tregoi barkun e saj të tonifikuar ndërsa mbërriti në studiot e Heart FM me një kostum sportiv të kuq nga POSTER GIRL, i përbërë nga reçipeta të vogla dhe pantallona të gjera.
Më vonë, Rita u pa duke dalë nga studiot me një pamje krejt tjetër – një fund me të çarë të thellë dhe një kostum trupi me korse, që theksonte format e saj dhe këmbët elegante.
Për paraqitjen e saj të tretë, ajo veshi një palë reçipeta të holla me dantella, një fund të shkurtë me bel të ulët dhe taka rozë të ndezura, duke u shfaq me humor të mirë teksa pozoi për kamerat.
Më herët gjatë javës, Rita dhuroi një performancë surprizë për fansat në King’s Cross së bashku me aktorin Will Smith, në një transmetim të drejtpërdrejtë në TikTok. Dyshja u shfaq me veshje plot stil dhe përfunduan shfaqjen mes përqafimeve dhe entuziazmit të publikut, ku ndodhej edhe bashkëshorti i saj, regjisori Taika Waititi.
Rita vazhdon ta promovojë këngën “Heat” edhe në rrjetet sociale. Në një video nga pushimet, ajo u shfaq me bikini ngjyrë portokalli dhe zinxhir trupi, duke shijuar diellin pranë pishinës. “Vera 2025 sapo u bë edhe më e nxehtë”, shkroi ajo në përshkrim.
Kënga e re, që do të jetë pjesë e albumit të ardhshëm të Ritës, përshkruhet nga vetë artistja si “e guximshme dhe plot energji të artë”. Ajo tha se “Heat” feston lirinë, gëzimin dhe pranimin e vetvetes – dhe se performanca në “World Pride” këtë fundjavë është momenti ideal për të nisur verën.
