Përmes disa postimeve në Instagram, 34-vjeçarja ka ndarë me ndjekësit e saj disa fotografi me shumë stil, ku shihet e veshur me disa kombinime të ndryshme, që reflektuan personalitetin e saj unik dhe guximin në modë.
E veshur me plot finesë dhe vetëbesim, Rita ka shkruar në mbishkrimin e imazheve: “Përshëndetje New York, jam shumë e lumtur të jem këtu”.
Prania e Ritës në metropolin amerikan ka ngjallur interes të madh si nga mediat, ashtu edhe nga fansat, të cilët e kanë përshëndetur ngrohtësisht.
Stilimi i saj i rafinuar dhe energjia që transmeton në çdo dalje publike vazhdojnë ta bëjnë atë një prej figurave më të dashura në skenën ndërkombëtare të muzikës dhe modës.
Vizita e saj në New York vjen në kuadër të angazhimeve të fundit, përfshirë intervistat mediatike dhe përgatitjet për performancat e saj të radhës, të cilat pritet të tërheqin vëmendje të madhe.
Rita Ora mbetet një nga ambasadoret më të denja të kulturës shqiptare në botë – me karrierë të suksesshme, stil të veçantë dhe mesazhe gjithnjë pozitive për fansat e saj. /Telegrafi/
