- Advertisement -
Futbollistja Riola Xhemaili është kthyer në përfaqësuesen e Zvicrës.
Selektorja e Zvicrës, Pia Sundhage, të hënën shpalli listën për ndeshjet me Francën dhe Norvegjinë. Ndesha me Francën është më 30 maj, ndërsa me Norvegjinë më 3 qershor. Dy takimet janë të fundit të Ligës së Kombeve.
Xhemaili së fundi kishte luajtur për Zvicrën në dhjetorin e kaluar. Ajo po luan me sukses te PSV Eindhoveni në Holandë. Është e huazuar nga Wolfsburgu.
Mesfushorja 22-vjeçare ka dhjetë gola e pesë asistime në 22 paraqitje.
Kthimi në përfaqësuese është shumë i rëndësishme për Riola Xhemailin. Ajo shpreson të jetë në Evropianin që prej 2 deri më 27 korrik mbahet pikërisht në Zvicër.
