- Advertisement -
Korporata Energjetike e Kosovës ka bërë të ditur, janë sanuar me sukses defektet e paraqitura si dhe disa sanime të tjera të domosdoshme në njësinë B1.
Si rezultat, njësia B1 është rikthyer në operim në ora 04:32 të datës 17.08.2025.
“Falë përkushtimit dhe profesionalizmit të ekipeve tona, rikthimi i njësisë u realizua në kohë të shkurtër, duke siguruar vazhdimësinë e prodhimit dhe duke përmirësuar aspektet mjedisore të operimit. Korporata mbetet e përkushtuar që të ofrojë furnizim të qëndrueshëm, të sigurt dhe me përgjegjësi ndaj mjedisit, në shërbim të të gjithë qytetarëve të vendit”, thuhet nga KEK.
