Rikthehet Gjesti me një këngë emocionale ku shprehet i dëshpëruar për humbjen e njeriut të dashur

Këngëtari Gjesti, i cili për disa muaj ishte tërhequr nga paraqitjet publike dhe lansimi i projekteve të reja, rikthehet me një këngë të re.

Ky pezullim nga skena kishte ardhur pas humbjes tragjike të vëllait të tij, i cili ndërroi jetë si pasojë e një aksidenti trafiku.

Sot, Gjesti ka publikuar këngën e tij më të re, përmes së cilës duket se i ka kërkuar falje dikujt që tashmë nuk është pjesë e jetës së tij.