Rihanna tërhoqi vëmendjen me një tjetër paraqitje magjepsëse dhe të guximshme në Santa Monica, vetëm pak ditë pasi u pa në premierën e filmit Smurfs me djemtë e saj.
Artistja 37-vjeçare, e cila është në pritje të fëmijës së saj të tretë me reperin ASAP Rocky, tregoi barkun e rrumbullakosur në një veshje që ekspozonte me krenari mëmësinë e saj në rritje.
E veshur me një reçipeta transparente nga marka e saj Savage Fenty dhe një kostum blu të errët me xhaketë të hapur, Rihanna la pak vend për imagjinatë, shkruan DailyMail.
Ajo kishte zgjedhur gjithashtu të mbante dy varëse ari me emrat e djemve të saj, RZA dhe Riot, si një shenjë të dashurisë së saj për familjen.
Stili i saj i mbrëmjes përfshinte një kravatë me pika të palidhura, ndërsa flokët i kishte kapur në një bisht të ulët, me grim minimalist që nxirrte në pah bukurinë natyrale.
Dalja në orët e vona në restorantin Giorgio Baldi vjen në vazhdën e një jave të ngarkuar për këngëtaren — që përfshiu premierën e filmit të animuar ku ajo luan rolin e Smurfette, por edhe funeralin e babait të saj në Barbados pas vdekjes së tij nga kanceri.
Në një intervistë për Access Hollywood, Rihanna foli për sfidat e mëmësisë, duke theksuar se “dy princat” e saj kanë kaq shumë energji, sa e lodhin pamasë.
Ajo nuk zbuloi gjininë e fëmijës që pret, por u shpreh me një buzëqeshje domethënëse se gjithmonë ka dashur një vajzë, duke lënë hapur spekulimet për një “princezë” në rrugë e sipër.
Rihanna, e cila është shpërblyer me nëntë çmime Grammy dhe ka ndikuar në mënyrë domethënëse në industrinë e modës dhe bukurisë, po jeton një fazë të fuqishme të jetës — ku suksesi profesional ndërthuret ngushtësisht me përmbushjen personale si nënë.
