Richard Gere është gati t’i thotë lamtumirë SHBA-së. Ylli 75-vjeçar i “Pretty Woman” ka shitur shtëpinë e tij në New Canaan, Connecticut për 10.75 milionë dollarë për t’u transferuar në Spanjë. Në prill, aktori zbuloi për “Vanity Fair Spain” se pasi kaloi gjashtë vitet e para të martesës së tij në Shtetet e Bashkuara, ai ishte gati të përqafonte një kapitull të ri në jetën e tij duke u transferuar në vendlindjen e gruas së tij Alejandra Silva.
“Ajo ishte shumë bujare duke më dhënë gjashtë vjet jetë në botën time, kështu që mendoj se është e drejtë që t’i jap asaj të paktën gjashtë vite të tjera jetë në botën e saj,” tha ai.
Richard Gere fillimisht e bleu shtëpinë në vitin 2022 për 10.8 milionë dollarë, ku jetoi me gruan e tij Alejandra Silva dhe dy djemtë e tyre, Alexander dhe James. Ylli e kishte blerë rezidencën me gjashtë dhoma gjumi nga Paul Simon dhe Edie Brickell, të cilët e zotëronin atë për 17 vjet.
Shtëpia, e ndërtuar në vitin 1938, ka 11 banja, një vilë mysafirësh me tre dhoma gjumi, një pishinë dhe disa kopshte të përhapura në të gjithë pronën prej 32 hektarësh, të vendosur mes pemëve.
Në vitin 2022, Richard Gere shiti pronën e tij historike 50 hektarësh në periferi të Nju Jorkut pas 30 vjetësh.
Richard Gere dhe Alejandra Silva janë shumë të fshehtë për jetën e tyre private, aq sa e mbajtën të fshehtë martesën e tyre deri në fund. Të dy u martuan në vitin 2018 në Uashington me një ceremoni shumë intime dhe private, pas tre vitesh lidhje.
