Ka vazhduar gjatë gjithë ditës aksioni i kompanisë së kontraktuar nga Komuna e Skenderajt, në koordinim me drejtoritë komunale të Shërbimeve Publike dhe Inspekcionit, në mirëmbajtjen dhe pastrimin e rrugëve, me qëllim që të gjitha rrugët të jenë të kalueshme.
Edhe në orët e mbrëmjes të ditës së sotme, aksioni po vazhdon në rrugët brenda qytetit tonë, duke larguar borën nga rrugët kudo në zonën urbane, ku nuk është paraqitur asnjë vështirësi gjatë angazhimit. Puna po vazhdon edhe në këto çaste kur po bëjmë këtë njoftim, e do të vazhdojë për aq sa është nevojshme, kudo në fshatra, në lagje dhe brenda qytetit.
Me gjithë vështirësitë përballë të reshurave të pandërprera të borës, ekipet nuk do të pushojnë së pastruari rrugët, ka siguruar kryetari i Komunës, Fadil Nura, i cili ka publikuar edhe tre numra të telefonit për rastet emergjente: 044552991.
