Deputetja e AAK-së, Albena Reshitaj, ka deklaruar se në seancën e sotme të Kuvendit të Kosovës do të votojë pro tërheqjes së 30 përqind të mjeteve nga Trusti, duke përmendur këtu rritjen e çmimeve.
“Niveli i lartë i çmimeve ka bërë që këtyre ditëve të marr shumë kërkesa nga qytetarët për të përkrahur Projekligjinin që hap mundësinë e tërheqjes së një pjese të mjeteve nga Trusti. Nga shumë kontakte e takime që kam pasur me qytetarë , konstatimi ka qenë se tërheqja e këtyre mjeteve nuk e zgjidh krizën ekonomike në vend, por natyrisht se do të jetë ndihmës për të përballuar situatën ekonomike nga trendi i rritjes së çmimeve të konsumit”, ka shkruar Reshitaj.
Ajo gjithashtu tha se mori besimin e qytetarëve për të qenë zëri i tyre në Kuvend, transmeton lajmi.net.
“Unë kam marr besimin e qytetarëve për të qenë Zëri i tyre në Kuvendin e Kosovës, për të qenë pranë tyre dhe me ta kurdo që atyre u nevojitet mbështetja ime. Prandaj sot në përgjigje të të gjithë atyre që më kanë kërkuar mbështetje për miratimin e Projekligjit që hap mundësinë për tërheqjen e një pjese të kursimeve të tyre nga Trusti u them se do të votoj PËR”, tha ajo.
Postimi i plotë:
Sot, Vota ime është Pro Trustit!
Niveli i lartë i çmimeve ka bërë që këtyre ditëve të marr shumë kërkesa nga qytetarët për të përkrahur Projektligjin që hap mundësinë e tëheqjes së një pjesë të mjeteve nga Trusti.
Nga shumë kontakte e takime që kam pasur me qytetarë , konstatimi ka qenë se tërheqja e këtyre mjeteve nuk e zgjidh krizën ekonomike në vend, por natyrisht se do të jetë ndihmës për të përballuar situatën ekonimike nga trendi i rritjes së çmimeve të konsumit.
Unë kam marr besimin e qytarëve për të qenë Zëri i tyre në Kuvendin e Kosovës, për të qenë pranë tyre dhe me ta kurdo që atyre u nevojitet mbeshtetja ime.
Prandaj sot në përgjigje të të gjithë atyre që më kanë kërkuar mbështetje për miratimin e Projekligjit që hap mundësinë për tërheqjen e një pjese të kursimeve të tyre nga Trusti u them se do të votoj PËR .
Gjithashtu ju bëjë ftesë te gjithë kolegëve të mi deputet që ta mbështesin këtë Kërkesë të qytetarëve duke votuar PËR miratimin e këtij Projektligji!
