Analisti dhe gazetari Astrit Gashi ka publikuar një infografikë të Insitutit GAP, ku paraqiten investimet kapitale të Qeverisë së Kosovës, të ndara sipas viteve.
Në këtë infografikë, paraqiten të dhënat e investimeve kapitale nga niveli qendror dhe ai lokal i pushtetit, ku vërehet rënie progresive nga viti 2012 e deri në vitin 2022.
Gashi, këtë trend negativ të investimeve kapitale e ka lidhur me rënien e fuqisë blerëse.
“Dobët, shumë dobët! Prandaj ka rënë fuqia blerëse, prandaj ka më pak para në treg e më pak mirëqenie, ndërkohë që ka rritje enorme të çmimeve. Kjo statistikë, fatkeqësisht shkarkon të gjith ministrat, ndërsa është një paralajmërim i keq për efikasitetin e kryetarëve të rinj të komunave që kanë marrë mandatin në fundvit”, ka shkruar Gashi në Facebook.
