Numri i gazetarëve të vrarë (57) gjithashtu u rrit (+18,8%), kryesisht për shkak të luftës në Ukrainë. Më shumë se gjysma e gazetarëve të burgosur ndërkombëtarisht më 1 dhjetor janë regjistruar në pesë vende: Kinë (110), Mianmar (62), Iran (47), Vietnam (39) dhe Bjellorusi (31).
Irani është i vetmi vend që nuk ishte ndër pesë vendet e para vitin e kaluar, tha OJQ -ja , e cila ka publikuar këtë raport vjetor që nga viti 1995. Por Republika Islamike burgosi një numër “të paprecedentë” punonjësish të medias pas protestave në shtator.
34 gazetarë iu shtuan kështu 13 të tjerëve që ishin tashmë pas hekurave.
“Diktaturat dhe regjimet autoritare duken të vendosura për të të burgosur”, tha Christophe Delois sekretari i përgjithshëm i organizatës që mbron liritë e shtypit.
Në raportin e saj vjetor, RSF thekson gjithashtu numrin e paprecedentë të gazetareve femra që janë burgosur: 78 (në krahasim me 60 vitin e kaluar).
“Gratë gazetare tani përbëjnë pothuajse 15% të të burgosurve, ndërkohë që përfaqësonin më pak se 7% pesë vite më parë”, nënvizon OJQ-ja.
