Girona ka shënuar fitore të madhe ndaj Real Madridit, në kuadër të javës së 31-të në La Liga.

Ndeshja e zhvilluar në stadiumin “Montilivi” përfundoi me rezultatin 4:2.

Taty Castellanos shkëlqeu në këtë ndeshje, duke i shënuar të katër golat e fitores për skuadrën e tij.

Sulmuesi argjentinas shënoi në minutat 12, 24, 46 dhe 62.

Ndërkaq, golat për “Los Blancos” u shënuan nga Vinicius (34’) dhe Lucas Vazques (85’).

Girona pas kësaj fitore ka 41 pikë dhe renditet e nënta në tabelë.

Real Madridi mbetet i dyti me 65 pikë, 11 më pak se Barcelona.

Skuadra e drejtuar nga Carlo Ancelotti po e rrezikon tani edhe pozitën e dytë në tabelë, pasi ka vetëm pesë pikë më shumë se Atletico Madridi, që ka një ndeshje më pak.