Real Madridi ka konfirmuar se sulmuesi Vinicius Junior do të mungojë për disa javë shkaku i një lëndimi.
Braziliani ka pësuar lëndim muskulor, kësisoj do të jetë jashtë fushës për tre javë, përfshirë në përballjen ndaj Liverpoolit që zhvillohet të mërkurën.
“Pas testeve të bëra në lojtarin tonë Vini Jr, ai është diagnostikuar me një dëmtim në këmbën e majtë”, thuhet ndër të tjera në komunikatë.
Kësisoj, Vini do të jetë deri në tre javë jashtë fushës, me Real Madridin që shpreson se do të rikthehet për International Cup më 18 dhjetor.
Përndryshe, braziliani ka qenë lojtari më i mirë i “Los Blancos” deri më tani, ndërsa mbetet të shihet nëse Ancelotti tani do t’i jep hapësirë Kylian Mbappes në krahun e majtë.
Kujtojmë, të mërkurën Reali udhëton për në “Anfield” ku do të përballet me liderin aktual të Premierligës, Liverpool.
