Kryetari i Aleancës për Ardhmërinë e Kosovës, Ramush Haradinaj ka reaguar pas situatës në veri të Kosovës.
Haradinaj ka thënë se këto tensionet janë të papranueshme dhe sipas tij sulmet dhe lëndimet e policëve janë akt i rëndë dhune.
Ai tutje ka thënë se serbët lokal duhet të heqin dorë nga dhuna dhe të mos bijën pre e interesave politik të Vuçiqit.
“Tensionet në veri janë të papranueshme! Sulmet dhe lëndimi i policëve janë akt i rëndë dhune dhe si të tilla janë të dënueshme. Serbët lokalë të heqin dorë nga dhuna dhe të mos bijnë pre e interesave politike të Aleksandër Vuçiqit, të cilit edhe ashtu po i lëkundet pushteti.” – ka shkruar ai.
Haradinaj ka thënë se Kurti duhet të jetë maksimalisht i kujdesshëm.
“Kryeministri i Kosovës nga ana e tij, të jetë maksimalisht i kujdesshëm dhe të mos ndërmarrë veprime të pakoordinuara me partnerët ndërkombëtarë. Ngërçi politik me serbët lokalë të Kosovës në atë pjesë, mund të zgjidhet vetëm me dialog të hapur me ta. Kosova nuk e ka luksin të veprojë e vetme dhe e pakoordinuar me miqtë ndërkombëtarë në kapërcimin e gjendjes së krijuar në veri. Apeloj tek qytetarët serbë dhe tek institucionet e Kosovës që të bëjnë të pamundurën në qetësimin e situatës.” – ka përfunduar Haradinaj.
