Ish-amabsadorja e Kosovës në Washington, Vlora Çitaku, ka reaguar ndaj deklaratës së ministres për Punë të Jashtme, Donika Gërvalla, e cila sot tha, se një ministër nordik i ka thënë se Kosova është një yll i ndritshëm i demokracisë në rajon.
Me anë të një postimi në Facebook, Çitaku ka kritikuar shefën e diplomacisë kosovare.
“Dmth, në krye të shtetit e diplomacisë kemi njerëz që nuk dinë as ta lexojnë tavolinën, as bashkëbiseduesin, as situatën”, ka shkruar ajo.
Tutje, nënkryetarja e PDK-së, tha se Gërvalla e ka keqkuptuar kortuazinë e diplomatëve perëndimorë.
“Njerëz që kortuazinë e keqkuptojnë dhe keq lexojnë.
Xixa xixa xixëllon”, vazhdon ajo.
Në një postim tjetër, Çitaku kishte ironizuar Gërvallen, përmes poezisë për fëmijë të shkrimtarit shqiptar, Kostandin Kristoforidhit “Ylli i vogël lart në qiell”
lli i vogël lart në qiell,
Duket porsi zjarr në pyll,
Sipër dheut, lart qëndron,
Xixa-xixa xixëllon.
Disku i diellit kur perëndon,
Nata hijen e lëshon,
Ylli veten e zbulon,
Xixa-xixa xixëllon.
Drit’ e yllit kur shkëlqen,
Udhëtarit ç’i pëlqen,
Natën e errët kudo shkon,
Udhën vetëm s’e harron.
Natën djali kur shikon,
Sipër dheut, fort mendon,
Mendt’ e veta ç’i habit,
Ylli i vogël se si ndrit.
