Kreu i AKR-së, Begjet Pacolli i ka reaguar ndaj ish-bashkëpartiakës, tashmë shefe e Grupit Parlamentar të VV-së, Mimoza Kusari-Lila pas publikimeve të përgjimeve nga Gazeta Nacionale me Sllavko Simiqin e Listës Serbe.

Duke mos përmendur emra, Pacolli ka thënë se gjërat nuk janë duke shkuar aq mirë për njerëzit që në të kaluarën e kanë lënduar, zhgënjyer dhe kanë tentuar ta mashtronin.

Kreu i AKR-së është shprehur shumë i bindur, duke thënë se për këtë gjë kurrë nuk është shqetësuar dhe se nuk ka pas pse të hakmerret me askënd.

Në fund ai ka thënë se “karma ekziston”.

“Gjërat nuk po shkojnë edhe aq mirë për njerëzit që në të kaluarën më lënduan, më zhgënjyen, u përpoqën të më mashtronin. Unë nuk jam shqetësuar kurrë për këtë, sepse kam qenë i bindur që nuk kam pse të hakmerrem me askënd. Karma ekziston!” – ka shkruar Pacolli.