Gjatë së martes, asamblisti i Lëvizjes Vetëvendosje në Kuvendin Komunal të Prishtinës, Besnik Mujeci, u prangos bashkë me katër persona të tjerë, si të dyshuar lidhur me trafikimin e narkotikëve.
Policia shqiptare atyre iu gjeti një sasi goxha të madhe të drogës, rreth 11 mijë doza “Ekstazi”.
E ish-kryeinspektori i Agjencisë së Kosovësë për Inteligjencë Shkëlzen Sopjani, tha se autoritetet kosovare kishin njohuri rreth operacionit të zhvilluar.
“Nuk është dashur Kosova në asnjë rrethanë me i arrestu, me i ndalu këta këtu, sepse ne do t’i kishin arrestuar dy kosovarë, por edhe tre të Shqipërisë që ishin kanë duke e pritur dërgesën kishin mbetur pa u arrestuar”, tha Sopjani në Klan Kosova.
Sipas autoriteteve shqiptare droga ishte transportuar me autobus.
