Deputeti i Kantonit të Bernit, Korab Rashiti ka komentuar vizitën e ministres së Ekonomisë, Artane Rizvanollit në Berlin.
Ai ka thënë se ajo ka shpenzuar paratë publike për një fjalim 10 minuta në Berlin, për trajnimin e instaluesve të paneleve solare, e që sipas tij askujt s’i intereson.
“Ministrja e Ekonomisë, lobbyistja e zjarrtë e solareve, i shpenzon paratë publike të taksapaguesve të RKS-së në Berlin për një fjalim 10-minutësh për trajnimin e instaluesve të paneleve solare. Një gjë aq “vendimtare” sa askujt në Kosovë s’i intereson, përveç shokëve të saj që mendojnë se kosovarët po presin me padurim panelet solare si shpëtim i ekonomisë dhe fuqisë blerëse”, ka shkruar Rashiti në Facebook.
Ai ka thënë se “me të vërtetë, populli meriton më mirë”.
