Futbollisti i kombëtares së Kosovës, Milot Rashica, ka thënë se në kualifikimi në një kampionat është ëndrra e çdonjërit, andaj ka thënë se mbesin me shpresë që ta arrijnë një ditë.
Në konferencën për media në prag të ndeshjes me Islandën, lojtari i Besiktasit ka thënë se janë në dijeni për kualitetin që e ka Islanda, sidomos në pjesën ofensive.
“Gjendja është shumë e mirë edhe pse koha ka qenë e shkurtër por prape gjithë kanë ardhur në formën më të mirë dhe ka me qenë ndeshja e parë dhe mundohemi ta shfrytëzojmë sa mirë me rezultatet sa më të mira. E dimë kualitetin Islandës, pjesën ofensive e kanë shumë i forte por më shumë duhet të fokusohemi tek kualiteti ynë dhe kemi shumë gjëra pozitive dhe t’ia fillojmë sa më mirë. Kualifikimi është ëndrra e çdonjërit dhe shpresojmë të arrijmë sa shume. Edhe këto e kanë rëndësinë e vet duhet me fituar dhe kemi kohë për kualifikime të tjera. Është e rëndësishme si kombëtare me provuar për ne vetën me shtetet që janë liga më te larta dhe na ndihmon për t’u përgatitur për te ardhmen”, ka thënë Rashica.
