Klan Kosova duke cituar burime nga institucionet e sigurisë, po raporton që Ushtria e Kosovës është pajisur me pesë drone Bayraktar.
Klan Kosova raporton se dronët intelegjentë kanë arritur ngë Kosova nga Turqia, shtatë muaj pasi u nënshkrua kontrata me kompaninë prodhuese, e firmosur nga ministri i Mbrojtjes, Armend Mehaj.
Nacionale ka kontaktuar Ministrinë e Mbrojtjes për të marrë detaje rreth kësaj, por deri në këto momente nuk kemi marrë përgjigje.
Bayraktar është përdorur me një efekt shkatërrues kundër armatimit rus për të ndalur avancimin e pushtimit të Ukrainës, duke i sjellë Turqisë mirënjohje nga presidenti ukrainas Zelensky, ankesa të herëpashershme nga Moska dhe lëvdata të rralla nga partnerët perëndimorë në një kohë kur marrëdhëniet midis Ankarasë dhe aleatëve të saj në NATO janë të tensionuara.
