Meta Platforms po punon në një sistem të ri të inteligjencës artificiale që do të jetë po aq e fuqishme sa modeli më i avancuar ofruar nga OpenAI raportoi the Wall Street Journal ditën e Dielë duke cituar njerëz të afërt me çështjen.
Kompania mëmë e Facebook shpreson që modeli i ri AI do të jetë i gatshëm duke filluar nga viti i ardhshëm dhe WSJ thotë se do të jetë disa herë më i fuqishëm sesa versionet komercial i njohur si Llama 2.
Llama 2 është modeli gjuhësor AI open-source i Meta lançuar në Korrik dhe implementuar nga Microsoft në shërbimet cloud Azure për të konkurruar me ChatGPT të OpenAI dhe Google Bard.
Sistemi i planifikuar, detajet e të cilit mund të ndryshojnë me kalimin e kohës, do të ndihmonte kompanitë e tjera të ndërtojnë shërbime që prodhojnë tekst dhe analiza më të sofistikuara.
Meta shpreson që të fillojë trajnimin e sistemit të ri AI, njohur si një model i madh AI në fillim të 2024 shtoi raporti. Bizneset dhe sipërmarrjet janë turrur drejt tregut të AI gjeneruese ende në hapat e parë për të rafinuar proceset e tyre të biznesit që nga lançimi i ChatGPT vitin e kaluar.
Bloomberg raportoi në Korrik se Apple po punon në një model gjuhësor të ngjashëm me ChatGPT dhe Google Bard duke shtuar se madje ka ndërtuar strukturën e njohur si brendshmi si Ajax për krijimin e këtyre modeleve.
Asokohe u tha se kompania po teston një robot bashkëbisedues AI që disa inxhinierë e quanin Apple GPT. /PCWorld Albanian/
