Ramosaj shpreh ngushëllime për 26-vjeçarin që u godit për vdekje nga vetura në Prishtinë

Kryetari i Deçanit, Bashkim Ramosaj, i ka shprehur ngushëllime familjes së 24-vjeçarit i cili ka vdekur sot në Prishtinë si pasojë e goditjes nga një veturë.

Ramosaj në Facebook tha se personi i aksidentuar sot për vdekje ishte Shkumbin Hebibaj, nga fshati Baballoq i kësaj komune.

“Në këto momente të rënda për familjen Hebibaj, ndajmë dhembjen me ta dhe në emër të të gjithë qytetarëve të Deçanit shpreh ngushëllimet më të sinqerta për familjen. Zoti ju dhashtë forcë që ta kaloni këtë dhembje!”, tha Ramosaj.