Kryetari i Drenasit, Ramiz Lladrovci ka bërë të ditur se artisti Jean-Claude Van Damme do të vijë në Kosovë.
Lladrovci përmes një postimi në rrjetin social Instagram ka thënë se Van Damme është një mik i Kosovës e një artist i mirënjohur.
“Miku i Kosovës, artisti i mirënjohur Jean-Claude Van Damme, po vije në Kosovë. Ai shumë herë e deklaroi se ka shumë miq shqiptarë, artistë e sportistë, madje bëri shumë herë edhe shqiponjën si shenjë respekti për ne.” – ka shkruar Lladrovci.
Ai tutje ka thënë se miku i tij, Kushtrim Musliu ka miqësi me artistin e madh Van Damme, i cili vjen në Kosovë, për të promovuar markën e orëve të njohura Helfer, nga Zvicra.
“Miku im Kushtrim Musliu ka miqësi me artistin e madh Van Damme, i cili vije në Kosovë, për të promovuar markën e orëve të njohura Helfer, nga Zvicra. Besoj se do t’i pëlqej Kosova, pasi me dekada është në shoqëri të vazhdueshme me shqiptarët në botën e filmit dhe jetën e përditshme.” – ka shkruar Lladrovci.
