Luftëtari shqiptar në UFC, Ramiz Brahimaj, ka arritur një fitore mbresëlënëse në artet marciale mikse, gjatë ngjarjes 309, ku ka mundur me knocout që në raundin e parë kundërshtarin e tij Mickey Gall.
Brahimaj me një shpirt gare të jashtëzakonshëm tregoi vlerat e tij si luftëtar në UFC, në një prej skenave më të mëdha në botë të arteve marciale mikse, duke arritur edhe fitoren e jashtëzakonshme.
Teksa, këtë performancë për t’u mbajtur mend, ai ia kushtoi babagjyshit të tij, i cili nuk jeton më dhe i emocionuar, Brahimaj, foli në shqip përballë një publiku të gjithë amerikan, duke bërë edhe gjeshtin e famshëm të shqiponjës me duar.
Ai po ashtu i vendosi plisin në krye komentatorit zyrtar të UFC, Joe Rogan, podcast-erit të famshëm me miliona dëgjues mujorë, teksa jepte intervistën në fund të fitores së madhe, transmeton albanianpost.
Rogan, me entuziazëm, bërtit ndërkaq mes brohoritjesh emrin e Ramis Brahimajt, i cili duket se të ardhmen në UFC e ka të ndritur dhe të gjithën për t’u shpalosur.
