Ish-kryeinspektori i AKI-së, Burim Ramadani ka paralajmëruar se situata e sigurisë në vend mbetet e brishtë, veçanërisht në veri të Kosovës.
Ai tha se mungesa e funksionimit të plotë të institucioneve po krijon hapësirë për faktorë të brendshëm e të jashtëm që të nxisin cenimin e sigurisë kombëtare.
“Veriu mbetet i brishtë dhe bashkë me të edhe Siguria Kombëtare e Kosovës. Në një periudhë kur shteti është i bllokuar, Qeveria në vakum, s’ka institucione plotësisht funksionale, faktorët nga jashtë e nga brenda nxiten për të cenuar sigurinë tonë”, u shpreh ai për Front Online.
Ramadani thotë se dëmtimi i fundit i kanalit Ibër-Lepenc është dëshmi e pasojave që po shkakton jo stabiliteti institucional.
“Dëmtimi në kanalin e Ibër-Lepencit tregon një gjë: jo stabiliteti institucional në Kosovë po e dëmton sigurinë e shtetit”, tha Ramadani.
