Ish-kryeinspektori i AKI-së, Burim Ramadani, thotë se KFOR nuk e ka lejuar ministrin Elbert Krasniqi që të hyjë në objektin e komunës së Zveçanit.
Ai thotë se ngjarja ka ndodhur këtë të hënë dhe sipas tij, ‘ky është një indikacion për fazën se si KFOR ka vendosur të ushtrojë kompetencat’.
Postimi i plotê:
KFOR-i nuk lejoi ministrin Elbert Krasniqi të hyjë në objektin e Komunës së Zveçanit.
Ngjarja ka ndodhur këtë të hënë, më 29 janar 2024, në orët e pasdrekës derisa Ministri i Qeverisë së Kosovës shkoi për ta takuar Kryetarin e Komunës së Zveçanit.
KFOR-i ktheu mbrapsht ministrin Elbert Krasniqi nga komuna e Zveçanit, duke dhënë kështu një indikacion, për mua, shqetësues për fazën se si KFOR duket që ka vendosur të ushtrojë kompetencat e veta.
Në fakt, KFOR-i nuk ka pasur të drejtë t’i ndalojë hyrjen Ministrit Krasniqi, ndërsa kjo është një dëshmi fort e keqe për nivelin e raporteve midis Qeverisë së Kosovës dhe prezencën ndërkombëtare ushtarake./Periskopi
