Mesfushori, Ylber Ramadani është bërë një nga lojtarët kryesor në skuadrën e Lecce.
Ai ka luajtur në pjesën më të madhe të ndeshjeve në Serie A këtë sezon dhe pritet të jetë titullar edhe kundër Interit këtë fundjavë.
Mesfushori ka folur për këtë ndeshje.
“Është skuadra më e fortë. Me Asllanin në kombëtare kemi një ritual: në mëngjes pimë gjithmonë një kafe bashkë. Të shtunën do të ndërrojmë fanellat. Lecce duhet të konkurrojë: pika jonë e fortë është se jemi një ekip, i bashkuar. Nëse grupi është funksional, ju merrni një rezultat dhe në dhomën tonë të zhveshjes ne qeshim dhe bëjmë shaka”, tha fillimisht ai.
Interi takohet me Leccen të shtunën.
Ramadani ka folur edhe për Shqipërinë e Kosovën.
“Ne jemi një ekip i mirë, me nëntë që luajnë në Serie A dhe kjo sigurisht që ndihmon. Ne luajmë 4-2-3-1 dhe flasim italisht në dhomat e zhveshjes. Do të donim të ishim surpriza e Kampionatit Evropian. Aty luaj edhe pak më sulmues si Asllani dhe Bajrami. Kam dy pasaporta: ndihem edhe shqiptar edhe kosovar”, tha shtoi ai.
27-vjeçari ka luajtur për Kosovën grupmoshat U19 dhe U21, por tani ka 32 paraqitje për kombëtaren e Shqipërisë.
