- Advertisement -
Analisti Sadri Ramabaja ka thënë në emisionin Pressing në T7 se në Kosovë nuk pritet të ketë zgjedhje në nivel nacional, ndërsa ka thënë se në Serbi ky është opsion real.
Tutje, Ramabaja po ashtu ka thënë se Serbia është afër “luftës civile”.
Ai u është përgjigjur analistëve, Valon Syla dhe Ilir Mirena, që thanë se në Kosovë do të ketë zgjedhje në një të ardhme të afërt.
“Në Serbi do të ketë zgjedhje në vjeshtë, jo në Kosovë”, tha ai.
Ai ka numëruar disa arsye për mbajtjen e zgjedhjeve në Serbi, e ndër kryesoret e ka përmendur mos gatishmërinë që të përmbushen obligimet që janë marrë me Marrëveshjen e Brukselit.
