Rama uron Ramazanin:  Agjërim të lehtë e të pranuar nga Zoti

Kryministri i Shqiperisë, Edi Rama, ka uruar besimtarët mysliman për fillimin e muajit të Ramazanit.

“Iu uroj me gjithë zemër e plot respekt ndjekësve myslimanë të kalendarit hënor të Islamit një muaj me agjërim të pranuar e me lehtësim, të bekuar prej ndjesisë së të pasurit të Allahut pranë në krah, falë vetëpërmbajtjes së këshilluar prej urtësisë qiellore”, ka shkruar ai në Facebook, transmeton Nacionale.

Besimtarët e fesë myslimane që nga nesër fillojnë muajn e Ramazanit gjatë të cilit ata agjerojnë që nga lindja e diellit deri në perendim.