- Advertisement -
Sot bëhen 25 vjet nga rënia e komandantit legjendar, Adem Jasharit, familjes së tij dhe Jasharëve të tjerë. Sulmi që ndodhi më 5, 6 dhe 7 mars të vitit 1998, mori jetën e 55 njerëzve në fshatin Prekaz, 22 prej të cilëve ishin familjarë të ngushtë të Adem Jasharit.
Në emisionin Kojshia Show, këtë javë mysafir ishte Ragip Jashari, i mbijetuar i familjes Jashari.
Ai në këtë emision ka rrëfyer momentet si filluan luftimet. Ai ka thënë që gjatë asaj kohe, kishin pranuar edhe telefonata për shtim të forcave serbe, por të cilat nuk i kishin marrë shumë seriozisht. Ragipi tregon një nga momentet më të vështira kur i kishin parë forcat serbe duke i rrethuar, dhe çfarë iu kishte thënë Adem Jashari kur e kishte parë këtë.
