Deputeti nga Lidhja Demokratike e Kosovës, Anton Quni, ka reagaur pas deklaratave që bëri Escobar, ku tha se Kurti i refuzoi propozimet për dinarin, dhe i shpalosi dy kushtet e radhës për pranimin e Kosovës në KiE, ku njëri prej tyre ishte edhe Asociacioni.
Quni në një prononcim për Gazeta Blic, tha se Kurti e ka tepruar duke prodhuar situata që janë në favor të Serbisë.
Deputeti shton se çdo cenim i marrëdhënieve të Kosovës me Amerikën është favori më i madh që i bëhet Serbisë.“Kurti e ka tepruar duke e luajtur të fortin palidhje ndaj atyre që kanë qenë vendimtarë në krejt rrugëtimin e bërjes së shtetit të Kosovës. E ka tepruar duke prodhuar situata që janë në favor të Serbisë. Çdo tentim apo cenim i marrëdhënieve të Kosovës me Amerikën është favori më i madh që i bëhet Serbisë. Kosova është një vend i vogël me pasurinë më të madhe në botë – marrëdhëniet me Amerikën”, tha Quni
