Ai ka thënë se ata po mbrojnë korrupsionin sistemik në Kosovë,
Sipas tij, ata kanë formuar një “diktaturë gjyqësore”.
“Nëse nuk i shkarkoni dhe dënoni prokurorët dhe gjyqtarët e korruptuar, NUK mund ta SHËRONI Kosovën. Ata e kanë formuar një kartel (një DIKTATURË GJYQËSORE) dhe po mbrojnë korrupsionin sistemik që i solli në postet e tyre”, ka shkrua Qoja në profilin e tij në “Facebook”.
As në këtë status dhe as në këto vitet e fundit akademiku në fjalë nuk e ka thënë asnjë fjalë për Gjykatën Speciale, e cila vazhdimisht po i shkel të drejtat e ish-krerëve të UÇK-së.
Ndonëse Hashim Thaçin dhe të tjerë që po gjykohen në Hagë, Qosja dikur i konsideronte si miq, ai nuk e ka parë të arsyeshme të thotë asnjë fjalë për padrejtësitë që po iu bëhen.
Heshtja e Qosjës ndaj Speciales është e çuditshme edhe për faktin se ai dikur ishte kundër formimit të kësaj gjykate.
Para një dekade, ai kishte treguar se pse është kundër formimit të një gjykate të tillë.
Qosja kishte bërë me dije se në historinë politike të Evropës për herë të parë po bëhen përpjekje të themelohet një gjykatë e tillë.
“Unë jam me zemër e me mendje kundër themelimit të kësaj Gjykate të quajtur Speciale”, kishte thënë Qosja në një intervistë për gazetën Epoka e Re, duke shtuar se gjykatat e tilla dinë të shpikin rezultate, për çka ”institucionet e Kosovës është dashur të jenë më këmbëngulëse”.
Edhe kryeministri Albin Kurti gjatë këtij mandati nuk i ka ndalur sulmet dhe linçimet ndaj sistemit gjyqësor.
Një gjë të tillë e ka bërë edhe gjatë fushatës zgjedhore.
Madje, më 3 shkurt, në një nga tubimet elektorale të Lëvizjes Vetëvendosje në Gjilanit, ai kishte ftuar prokurorët që të mos dalin fare në punë më 9 shkurt.
“Sikur partitë e tjera opozitare edhe prokuroria e shtetit që u bë si parti politike opozitare, ka me i humbë zgjedhjet me 9 shkurt. Po a e dini çka pas 9 shkurtit ata nuk do të kenë as deputetë në Kuvend qysh mund mi pas naj parti opozitare, nëse ka fat me kalu pragun. E meqenëse partia më e re politike opozitare prokuroria e shtetit nuk do të ketë deputet në legjislaturën e 9-të, atëherë le të shkoj në shpi, me 10 shkurt s’ka pse del n’punë se s’janë tu bo punë, le të rrinë në shtëpi”, kishte deklaruar Kurti.
Në gjithë sulmet e tij për sistemin gjyqësor, shefi i Qeverisë Kurti asnjëherë nuk e ka përfshirë Zyrën e Prokurorit të Specializuar të Gjykatës Speciale.
Ndonëse sa ishte në opozitë, Kurti e kishte kritikuar fuqishëm këtë gjykatë, pasi mori karrigen e Kryeministrit ai i ndali edhe deklaratat e tij kritike ndaj Speciales.
Në këto katër vite, vazhdimisht është raportuar se Gjykata Speciale është duke i shkelur të drejtat e ish-krerëve të UÇK-së, të cilët prej vitesh po gjykohen në Hagë.
Se fundi, është raportuar edhe për faktin se gjyqtarët po ia mbajnë anën prokurorisë gjatë procesit gjyqësor. Për këtë janë ankuar edhe avokatët të ish-krerëve të UÇK-së. Sot, gazeta Nacionale ka raportuar se kjo gjykatë ka rrëzuar ankesën e krerëve të Ushtrisë Çlirimtare të Kosovës, ku ata kërkonin nga gjyqtarët të mos ia mbajnë anën Prokurorisë gjatë intervistimit të dëshmitarëve.
