Vigan Qorrolli, zëvendësministër i drejtësisë, ka thënë se institucionet e pavarura po e ngadalësojnë dhe pengojnë reformën në drejtësi.
Në emisionin “Debat Plus” në RTV Dukagjini, Qorrolli thotë se drejtësia e Qeverisë së Kosovës po bëhet.
“Drejtësia e Kurtit, Qeverisë së Kosovës dhe Ministrisë së Drejtësisë po bëhet, por në mënyrë që të bëhet, ajo duhet të shihet se po bëhet dhe çdo ditë e më tepër duke qenë se institucionet e tjera të pavarura po e vonojnë, po e pengojnë, ngadalësojnë në mënyrë aritmetike reformën në drejtësi… atëherë ju e dini zig zagun ndërmjet Qeverisë dhe institucioneve të pavarura, kam parasysh këtu Gjykatën Kushtetuese e cila tash e 15 muaj nuk po e jep vendimin sa i përket Byrosë…Këshilli Prokurorial i Kosovës në Komisionin për Legjislacion ndodhet ka kaluar në seancë plenare, po bëhet vendosja e të gjeturave të Komisionit të Venecias opinionit të dytë… opinionit i intereson sa do të jetë përbërja e Këshillit Prokurorial aktualisht 13, kemi synuar që ta bëjmë 19, nuk ka kaluar tani do ta bëjmë 7, kjo do të hyjë në fuqi vetëm prej fillimit të vitit 2026, ku KPK do t’i ketë 7 anëtarë”, tha ai.
Qorrolli ka përmendur edhe për sukseset e që për një ndër to, sipas tij, është çështja e Vettingut.
“Mund të flasim për gjëra të suksesshme siç është Vettingu që ka kaluar testin dhe tani për arsye të pengjeve të njohura kushtetuese për 2/3 të serbëve, ai duhet të marrë dritën e gjelbër në Kuvend për t’u votuar…”, shtoi ai.
Synimi parësor, sipas Qorrollit, është që drejtësia duhet të shihet se po bëhet.
