Qeveria e Kosovës në një përgjigje për Radio Evropa e Lirë ka thënë se Lista Serbe nuk duhet të iu bëj presion serbëve në lidhje me ç’votimin e kryetarëve që pritet të mbahet me 21 prill, për komunat veriore.

“Ai [votimi i 21 prillit] është rezultat i kërkesës dhe nënshkrimeve të mbledhura nga qytetarë të Republikës së Kosovës, banorë të këtyre katër komunave. Udhëzimi administrativ që parasheh mundësinë e largimit të kryetarëve të komunave, respekton vullnetin politik të qytetarëve”, tha Qeveria e Kosovës përmes një përgjigjeje dërguar Radios Evropa e Lirë.

Ndërkohë Lista Serbe ka bërë të ditur se do ta bojkotoj këtë proces.