Qeveria do t’i mbulojë shpenzimet për bartjen e kufomës së argjentinases së vrarë në Kosovë

Konfirmohet lajmi se Qeveria e Kosovës do t’i mbulojë shpenzimet për bartjen në Argjentinë të kufomës së shtetases argjentinase, Maria Clara Urdungaray, e cila dyshohet se i dashuri i saj e ka gjuajtur nga kati u gjashtë në Fushë Kosovë.

Në lidhje me këtë ka folur për Telegrafin Flamur Pireva, këshilltar Politik në Ministrinë e Drejtësisë.

Pireva ka thënë se Qeveria po e bën këtë për shkak të gjendjes së vështirë ekonomike të familjes së viktimës.

“Për shkak të gjendjes së vështirë ekonomike të familjes së viktimës, Qeveria do të merr përsipër mbulimin e shpenzimeve për bartjen e kufomës së të ndjerës”, ka thënë Pireva.