Pas kritikave të Ministrit të Financave, Hekuran Murati, ndaj Gjykatës Kushtetuese njësoj ka vepruar edhe Ministrja e Drejtësisë, Albulena Haxhiu,
Në një postim në Facebook, ajo ka thënë se Kushtetuesja e ka zvarritur më shumë se një muaj Ligjin për byronë shtetërore për verifikimin dhe konfiskimin e pasurisë së pajustifikueshme.
Postimi i plotë:
Edhe sa ditë të tjera i duhen Gjykatës Kushtetuese!
Kanë kaluar më shumë se një muaj nga njoftimi i Gjykatës Kushtetuese për Ligjin për byronë shtetërore për verifikimin dhe konfiskimin e pasurisë së pajustifikueshme por ende nuk është publikuar aktgjykimi i plotë.
Rrjedhimisht, po bëhen 518 ditë prej kur gjykata e ka në trajtim këtë reformë të rëndësishme.
Zvarritjet e tilla vazhdojnë të jenë goditja e radhës ndaj reformës dhe qytetarëve.
