- Advertisement -
Në “Ftesë në 5” me Bieta Sulon ishte e ftuar Margret Radovani, violinistja shqiptare që pati mundësi të ishte pjesë e Tiny Desk me të ftuar Malumën.
Një ftesë rastësore bëri që ajo të ishte pjesë e bandës profesioniste të Tiny Desk, një format muzikor i njohur në Washington, që fton këngëtarët më në zë të momentit.
Margret tha se Maluma ishte shumë korrekt dhe profesionist, jo vetëm i bukur siç mund të gjykohet.
“Nuk e keni idenë sa i thjeshtë, sa emotiv, sa shpirtëror, ndaj thashë që aparenca mund të gënjejë në disa raste. Erdhi me të dashurën e tij, të cilën nuk ishte zbuluar ende në mediat sociale”, tregoi ajo.
Margret shtoi se Maluma ishte tejet i emocionuar nga fakti që do të bëhet baba dhe se qante pas çdo performance.
