Në një seri postimesh në rrjetin social Twitter, eksperti i sigurisë kibernetike Besmir Semanaj ka zbuluar disa statistika që hedhin dritë mbi nivelin e interesit të publikut për banorët e “Big Brother VIP Albania”.
Sipas analizës së Semanajt, të bazuar në të dhënat nga kërkimet në Google dhe YouTube, është vërejtur një trend interesant.
Edhe pse këtë vit ka pasur një vëmendje të konsiderueshme për aktorin dhe këngëtarin Romeo Veshaj, njërin prej konkurrentëve më të diskutuar dhe vëllanë e tij Donald Veshaj – i cili ka qenë pjesë e edicionit të parë të “Big Brother VIP Albania” – asnjëri prej tyre nuk duket të kenë arritur të tërheqin interesin e publikut në nivelin e Luiz Ejllit.
Luizi, i cili ishte pjesë e edicionit të dytë të spektaklit, mbahet si një fenomen i veçantë dhe një prej figurave më të përfolura të mbarë edicionit, duke thyer pothuajse të gjitha rekordet.
Këto statistika tregojnë që, pavarësisht nga prania dhe polarizimi që mund të kenë sjellë Veshajt në shtëpinë e “Big Brother VIP Albania”, publiku mbetet i mbërthyer nga personaliteti dhe performanca e Luiz Ejllit në edicionin e kaluar.
Megjithëse Romeo dhe Donald kanë sjellë dinamika të reja dhe interesante në spektaklin e ky edicion, Luizi vazhdon të mbetet si një referencë kur flitet për banorët më mbresëlënës dhe më të kujtuar të “Big Brother VIP Albania”.
