Publikohen pamje: Momenti kur arrestohet sulmuesi në tregun e Krishlindjeve në Gjermani

Një person është arrestuar menjëherë pas sulmit tronditës në qendër të qytetit të Magdeburgut që ndodhi këtë mbrëmje, shkruan BBC.

Mediat gjermane kanë publikuar një video që raportohet të jetë e momentit kur është arrestuar personi që dyshohet ta ketë kryer sulmin. Sipas informatave që dihen deri më tash, personi ka qenë mjek, është rreth moshës 50 vjeçare dhe ka prejardhje nga Arabia Saudite, por me vendbanim në Gjermani që prej vitit 2006.

Tashmë dihet me siguri që dy viktima kanë humbur jetën nga sulmi që la edhe dhjetëra të lënduar, por media të ndryshme në Gjermani kanë raportuar edhe që numri i viktimave ka mbërritur në 11.