Benfica do të marrë 65 milionë euro për këtë transferim, me 15 milionë euro shtesë të specifikuara si bonus.
Këtë verë, Ramos u transferua nga Benfica te PSG në formë huazimi.
Marrëveshja mes klubeve përfshinte një klauzolë të detyrueshme blerjeje, raporton Dailysports.net.
Ramos e filloi karrierën e tij të futbollit me Olhanense në qytetin e tij të lindjes Olhão në vitin 2009.
Ai në vitin 2013, iu bashkua akademisë së futbollit të Benfica-s.
Më 13 janar 2019, ai bëri debutimin e tij për Benfica B në një ndeshje kundër Braga B në Liga Pro portugeze.
Në gusht 2019, Goncalo zgjati kontratën e tij me Benfica-n deri në vitin 2024.
Me ekipin U-19, ai arriti në finalen e UEFA Youth League në 2019/20, duke shënuar një dygolësh në finale kundër Real Madridit, megjithëse ekipi i tij humbi 2-3.
Më 21 korrik 2020, Ramos bëri debutimin e tij për ekipin e parë të Benfica-s, duke hyrë si zëvendësues për Pizzi në minutën e 85-të të një ndeshjeje portugeze të Primeira Liga kundër Aves, duke shënuar dy gola në kohën e mbetur.
Këtë sezon, Ramos ka luajtur 15 ndeshje për PSG-në, duke shënuar dy gola.
