Paris Saint-Germain ka dhuruar spektakël në ndeshjen kundër Lille.
Skuadra e PSG ka shënuar një fitore të thellë në udhëtim kundër Lille, me rezultatin 1:7.
Parisienët shënuan qysh në aksionin e parë, me Kylian Mbappe që bëri historinë me golin më të shpejtë në Ligue 1, duke gjetur golin pas tetë sekondave. Ai u asistua nga Messi.
Leo Messi ishte protagonist edhe në minutën e 27’, kësaj radhe në rolin e golashënuesit, i asistuar nga Nuno Mendes.
PSG gjeti edhe dy herë golin deri në fundin e pjesës së parë, një herë me Hakimi në minutën e 39’ dhe një herë me Neymar në minutën e 43’.
Braziliani gjeti golin edhe në minutën e 52’, për të çuar shifrat në 0:5.
Lille do të reagonte pas dy minutave, me Bamba që shënoi për vendasit, por PSG tha fjalën e fundit, duke shënuar me Mbappe në minutat 66′ dhe 87′, për të kompletuar het trikun.
PSG merr nëntë pikë në tri ndeshje, me një gol-diferencë 17:3. Lille mbetet me katër pikë në pozitën e 10.
