Franca ka refuzuar të lejojë sportistët të mbajnë hixhab në Lojërat Olimpike të ardhshme në Paris.
Vendi pritës është përballur me presion të madh nga të drejtat e njeriut dhe organizatat sportive që nga shpallja e vendimit në muajin prill.
Por pavarësisht kritikave të rënda nga aktivistët që kanë bërë thirrje për ndryshimin e vendimit, ministrat francezë kanë refuzuar të tërhiqen nga ky vendim.
Boksierja myslimane australiane, Tina Rahimi, e cila mban hixhab total gjatë ndeshjeve, ka kritikuar urdhërin, i cili vlen vetëm për sportistët francezë.
“Fatmirësisht unë e kam ende mundësinë të marr pjesë me hixhabin tim, për të cilin jam shumë mirënjohëse”, tha ajo në një video në Instagram.
“Por është shumë për të ardhur keq për sportistët në Francë, sepse nuk ka të bëjë fare me performancën e tyre. Nuk të pengon hixhabi në sport dhe as të bën sportist të keq. Është shumë e vështirë të jesh sportist olimpik dhe të mendosh se duhet të heqësh dorë nga besimi për të marrë pjesë në këto ngjarje. Unë besoj se të gjithë duhet të jenë të barabartë.’
Pse Franca i ka ndaluar sportistët e saj të mbajnë hixhabin?
Ministrja franceze e sportit, Amelie Oudea-Castera, tha se vendimi për të ndaluar sportistët e vendit të saj nga mbajtja e hixhabit ishte marrë për të ‘ruajtur parimin e shtetit laik’.
Komiteti Olimpik Ndërkombëtar (IOC) tha se vendi pritës i konsideron sportistët që e përfaqësojnë atë si nëpunës civilë.
Ndërsa gratë janë të lira të respektojnë hixhabin, çdo sportist që konkurron për ekipet kombëtare franceze duhet të veprojë në përputhje me ligjet franceze.
