Cristiano Ronaldos i ndalohet të bëjë debutimin e tij për Al Nassr nesër pas mega transferimit të tij.

37-vjeçari ka nënshkruar një marrëveshje të madhe dyvjeçare me klubin e Arabisë Saudite pas përfundimit të kontratës së tij me Manchester United.

Ai do të fitojë 173 milionë funte në vit, duke e bërë atë sportistin më të paguar në botë.

Por pesë herë fituesi i Topit të Artë nuk do të jetë në gjendje të bëjë debutimin e tij të enjten kur ekipi i tij i ri do të përballet me Al-Ta’ee.

Ronaldo nuk ka të drejtë të bëjë debutimin e tij në Al Nassr pasi ai ende nuk ka vuajtur dënimin për një suspendim të mëparshëm ndërsa ishte pjesë e Man United.

Si rezultat, atij i është thënë se është pezulluar nga pjesëmarrja në ndeshjen e Al Nassr kundër Al-Ta’ee, sipas Daily Mail.

Pra, ndalimi i bartet klubit të tij të ri dhe e pengon atë të luajë për Al Nassr derisa ata të kenë luajtur dy ndeshje konkurruese për të cilat ai do të ishte në dispozicion.

Kësisoj, ish-lojtari i Real Madridit dhe Juventusit mund të jetë në dispozicion për të bërë debutimin e tij për Al Nassr më 21 janar kundër Ettifaq.