- Advertisement -
Protestuesit serbë në Leposaviq sot kanë sulmuar dhe lënduar disa gazetarë e kameramanë shqiptarë. Ata madje ia kanë thyer krahun gazetarit të Abresh.info, Pleurat Salihu, bën të ditur ky medium.
Për këtë sulm ka reaguar edhe Asociacioni i Gazetarëve të Kosovës, i cili ka dënuar këtë sulm ndaj medieve.
“AGK-ja, dënon ashpër këtë sulm, njëherësh bën të ditur se për të gjitha këto sulme që kanë ndodhur në veri të vendit, do të informohen organizatat ndërkombëtare që merren me sigurinë e gazetarëve dhe lirinë e medias”, thuhet tutje.
