- Advertisement -
Punëtorët e kompanisë “NewCo Ferronikeli” kanë protestuar sot para objektit të Qeverisë së Kosovës, për të kërkuar të drejtat e tyre.
Kërkesë kryesore e punëtorëve ishte që të ndërmerren veprime konkrete nga ana e qeverisë për kthimin në prodhim dhe kthimin e punëtorëve të Ferronikelit në punë, të cilët po vuajnë pasoja të rënda ekonomike nga kriza e gjatë.
“Pesë muaj pas ndërprerjes së prodhimit në fabrikë, qeveria në vazhdimësi ka neglizhuar kërkesat tona të natyrës urgjente, përkundër thirrjeve e lutjeve për ndihmë dhe dy protestave paqësore me numër të lartë pjesëmarrësish”, kanë deklaruar punëtorët. /ER/
