Një nga çështjet që kanë zënë vend gjatë gjithë merkatos së verës ka qenë ajo e Cristiano Ronaldos. Ylli portugez shprehur dëshirën për t’u larguar nga Manchester United, me këta të fundit që kishin tjetër mendim.
Nëse disa skuadra refuzojnë të nënshkruajnë me CR7, disa të tjera bëjnë propozimet e tyre për ta bindur atë të bashkohet me ta. Së fundmi, Kl Klaksvikar ka ofruar 20 dele për të siguruar transferimin e lojtarit në Ishujt Faroe. Natyrisht gjithçka në kontekstin e shakasë.
“Ne i ofruam 20 nga delet tona më të mira për transferimin e Ronaldos. Tani jemi në pritje të ofertës nga Mançester United”, shkruhej nga Kl Klaksvikar në rrjetet sociale.
Rreth thashethemeve ka reaguar vetë Ronaldo dje në Instagram.
“E pamundur për të mos folur për mua një ditë. Ndryshe shtypi nuk bën para. Ju e dini se nëse nuk gënjeni nuk mund të tërhiqni vëmendjen e njerëzve. Vazhdoni që një ditë të gjeni ndonjë lajm të vërtetë” – bëri të ditur ai.
